الصغيرة العانس بقلم نوني عمر

ب عمر حب عمرى اللى موقفه حياتي بسببه علشان ظروفه صعبه ولسه مش جاهز يتجوزني قررت اتصل بيه اقوله علشان يشوف حل 
عمر ..الووو
ايوا ياعمر عامل ايه 
...ايوة ياعمر ايه عمر دي ان شاء الله اسمها ايوا ياحبيبي 
والله انت بالك رايق وانا واقعه في مصېبه 
...ياساتر مصېبة اى في ايه 
انت فين الاول 
...انا ف الشغل يابطتى
بص ياعمر انا جايلى عريس وبابا شكله ناوي يوافق عليه ويغصبني المرة دي مش عارفه اتحجج ولا الاقي حجه ارفض بيها زي كل مرة 
...مش فاهم دا عريس فجأة كدا
احنا متكلمين من كام ساعه يعني مكنش فى حاجه 
بابا لسه راجع من الشغل وصدمني 
...والعريس دا جايلك تبع مين بقى ان شاء الله
عمتي ياعمر منها لله هي اللى جايباه
..يااااادي عمتك انا مش فاهم الست دي عوزة اى مننا 
انا زهقت ياعمر بقالى ٦ سنين عايشه ف السواد والتوتر دا  شوفلنا حل بقى 
..هو انا كان ب ايدي ايه اعمله ومعملتوش منا طالع عيني شغل ليل نهار اهو 
انا عارفه انك مش مقصر بس والله تعبت ومش هقدر اكون مع راجل غيرك 
... نعم دنا اقتل اي حد يفكر ياخدك مني 
حبيبي علشان خاطرى حاول تشوف اى حل انا ف موقف وحش ازي 
...طيب يافاطمه هتصرف هستلف واعمل المستحيل علشانك
انا بحبك اوي اوي
...وانا بعشقك ياروحي
طيب انا هقفل وانام شويه لاني صدعت اوي من التوتر
...تمام ياحبيبتي تصبحي على خير 
تاني يوم عمر قرر يفاتح مامته ف موضوع الجواز علشان تساعده 
..صباح الخير ياست الكل 
صباح الخير ياحبيبي صباحك كله رزق 
..امي انا عاوز اتكلم معاكي ف موضوع كدا 
ابن حلااال دنا كمان عوزة اقولك على حاجه 
..خير يا امي قولى 
لا قول انت 
..ههه لالا يا امي والله ابدا 
خلاص ابدأ انا جيبالك عروسه زي القمر بنوته صغيرة كدا عندها ٢٢ سنه بنت ناس ومتعلمه وهتعيش على اى وضع
...معقول ياامي دنا كنت هفاتحك ف نفس الموضوع بس متتعبيش نفسك عروستي موجودة 
ودي مين دي بقى 
.... فاطمه يا امي فاطمه جارتنا بنت عم احمد ابو الفضل
نعممممم دي شكلها اكبر منك يابني 
...لا يا امي دي قدى بالظبط 
لالللاالا دي مولودة قبلك بكام شهر انا متأكدا 
... يا امي حضرتك بتتكلمي ف ايه انا بحبها من سنين واظن انتي كنتي عارفه 
كنت عارفه وقولتلك اني مش موافقه عليها وانت قولتلى ان الموضوع انتهى 
... بس انا يا امي قولتلك كدا علشان مكنتش جاهز وقتها وكمان مكنتش عاوز ازعلك 
تقوم تكدب عليا ورايح تختارلى واحده اكبر منك وعانس 
.... امي لو سمحتي فاطمه بترفض كل العرسان اللى بيتقدمولها علشان بتحبني 
بص ياعمر مش هتتجوز غير العروسه اللى جبتهالك على چثتي تتجوز فاطمه دي بقى انا اتعب واربي وف الاخر اجوز ابني واحده عانس 
...يعني ايه يا امي دا قرارى انا 
عمرررر لو فتحت الموضوع دا تاني لا انت ابني ولا اعرفك واعتبر امك ماټت 
نزلت كلمات مامت عمر على قلبه زي الصاعق حس ان قلبه اتقسم نصين خصوصا انو عارف دماغ مامته لما بتصمم على راي بتنفذه ومبيقدرش يعترض
خاف يزعل مامته وقال
... حاضر يا امي اللى تشوفيه بس انا كدا مش هكون مبسوط
بس انا متأكدا ان العروسه اللى اخترتهالك هتبسطك وتهنيك
... تمام انا مش جاهز للجواز ولا معايا فلوس
بس بس ملكش دعوة  ومتشلش هم جهز انت نفسك يوم الجمعه رايحين للعروسه وسيب الباقى عليا 
حس انو بيخسر حب حياته ومش قادر يزعل مامته او يكسرلها كلمه 
ف نفس اليوم بابا فاطمه قالها
جهزي نفسك علشان عمتك كلمتني وقالت ان العريس جاي يوم الجمعه 
وبتقول انو شكلو مستعجل وحالته الماديه كويسه جداااا وعنده عمارة مسكنها وهيقعدك ف بيت لوحدك
..بصتله فاطمه بحزن وقالت 
حاضر يابابا اللى تشوفه 
وبصت لمامتها بعدم رضا ولاكن مامتها متقدرش تعترض لان شخصيتها ضعيفه قدام جوزها
جه يوم الجمعه عند مامت عمر
يلا يابني اتأخرنا 
... حاضر يا امي 
عوزاك تشرفني كدا قدام الناس وتكون جرئ كدا وتفتح مواضيع مع عروستك 
... انتي عارفه كويس اوي انا قلبي مع مين يا امي وطاوعتك علشان زعلك غالى عليا ومقدرش اقولك لا بس لو مرتحتش للعروسه دي انا مش هكمل الجوازة دي
طيب يلا بس تعالا ونتكلم بعدين 
....... ف بيت فاطمه 
الجرس بيرن ...بتفتح فاطمه 
اهلا ياعمتى