قوة روح بقلم الكاتبه فاطمه عيد الجزء الثاني والاخير

متردش عليه واتكسفت جدا انه شافها وهى مركزه فى ملامحه .. تمثل كأنها نايمه عشان يقتنع انها مشافتوش وبيتهيئله بس 
نديم اممممم .. انتى نايمه يعنى 
تفضل عامله نفسها نايمه .. نديم بضحك كنت عارف على فكره 
جويريه على فكره انت رخم
نديم بغمزه طب ماانتى كمان 
تبرق وتفتح عينها بشهقه وتبصله باحراج وتوتر اتلم بقى
نديم يضحك بصوت عالى ويبصلها يا حبيبتى اتلم دى لما كنا مخطوبين .. دلوقتى بقى اتلم ليه 
جويريه اتلم وخلاص 
نديم انتى حافظه مش فاهمه 
جويريه بابتسامه اها
نديم يضحك طب نامى صاحيه بدرى كده ليه 
جويريه مش بعرف انام جنب حد .. معرفتش انام خالص 
نديم يرفع وشه ويبص للمنبه جنبها يلاقى الساعه ٤ العصر .. يبصلها ويضحك ايوه عندك حق .. نومك قل خالص .. عشان كده منمتيش الا ١١ ساعه بس 
جويريه تضحك شوفت 
نديم طب ورينى يلا 
جويريه انا مش جايلى نوم بقى .. قوم نخرج 
نديم يبعد ويبصلها نخرج ايه فى اول يوم .. انتى اټهبلتى ولا ايه 
جويريه اومال هنفضل قاعدين كده .. ايه الملل دا !!
نديم يبتسم ويركز فى عينها وهى تدوب من نظرته 
نديم بهمس عاوزه تخرجى 
جويريه تبتسم خروج ايه ! .. مين قال خروج 
يعدى الوقت ويجى الليل .. نيران قاعده فى البلكونه وبتبص على حمام السباحه وبتفتكر الليله اللى انقذها فيها .. تبتسم بحزن .. يقاطع ذكرياتها الباب اللى اتفتح .. تدخل مريم وتلاقيها فى البلكونه ايه يابنتى هتفضلى هنا طول اليوم ولا ايه ! .. داانتى حتى مكلتيش معانا 
نيران بصوت بتحاول تبينه طبيعى مش جعانه 
مريم طب اجيبلك كيكه .. المرادى بقى طلعت مظبوطه .. 
تبصلها بفخر مصطنع.. ولا كأن الشيف الشربينى اللى عاملها 
نيران تضحك مجامله هاكل بعدين 
مريم تلاحظ حزنها رغم انها بتحاول تبان ثابته .. تقف قصادها مالك يانيران ! .. حساكى زعلانه 
نيران لا ابدا .. انا بخير .. ايه يعنى اللى هيزعلنى !
مريم بتخمين يمكن لسه مضايقه عشان موضوع الفرح صدقينى يابنتى الموضوع بسيط هما ا...
تقاطعها نيران ولا فى دماغى اصلا .. وعادى الموضوع مش شاغل تفكيرى ولا مزعلنى 
مريم اومال مالك .. حساكى زعلانه اوى !
نيران بيتهيئلك انا كويسه 
مريم طب عينى فى عينك كده 
نيران تبص فى الارض وتسكت 
مريم شوفتى فى حاجه اهو .. قوليلى بس مين مزعلك وانا افشفشه 
نيران تبتسم محدش مزعلنى والله 
مريم طب فى ايه يابنتى .. ماهو متقنعنيش انك كده كويس 
نيران تبصلها وتتنهد ادهم سافر 
مريم طب ايه المشكله ! دى حاجه تفرحك مش تزعلك
نيران تبتسم بۏجع صح 
مريم بعدم استيعاب لحظه .. انتى زعلانه
نيران شويه 
مريم بتفهم زعلانه ليه طيب 
نيران عشان
احتمال ميرجعش تانى 
مريم ازاى يعنى ميرجعش تانى ! .. هيهاجر يعنى 
نيران هو قال كده 
مريم معتقدش فى حد مبيرجعش تانى .. دا اولا
.. ثانيا هو على طول مسافر .. الموضوع طبيعى يابنتى وميزعلش
نيران نفسها تصرخ وتقولها انه مش طبيعى ابدا وانها من جواها.. نفسها تقولها على الحړب اللى جواها وۏجعها منه وعلى فراقه وعلى كل حاجه بتمر بيها لكن للاسف مش هتحس بيها .. لانها شايفه الظاهر بس .. تحاول تتصنع الثبات معاكى حق 
مريم لا مش معايا حق .. انا دى وجهه نظرى لكن حالتك بتقول انى مش معايا حق .. فعاوزه افهم مالك بالظبط .. انتى بتحبيه صح 
نيران بسرعه لا انا بكرهه جدا
مريم شافت الاجابه الحقيقيه فى عينها .. تقعد على الكرسى وتبصلها وياترى بتكرهيه دى قلبك اللى بيقولها ولا عقلك !
نيران القلب والعقل حاجه واحده ونفس الاحتياج 
مريم لا طبعا مش حاجه واحده .. العقل دا نعمه ربنا ادهالنا عشان نشوف الصح والغلط ونفكر ونشتغل ونتحكم فى حياتنا وهو برضو صندوق ذكرياتنا .. انما القلب دا هو اللى بتحبى وبتكرهى بيه وهو اللى بيحركك فى ضعفك وهو اللى بيقدر يسيطر على العقل .. لان وجعه اصعب بمراحل من الۏجع الجسدى .. فسؤالى هنا .. بتكرهيه دا بناءا على الذكريات والمنطق اللى عقلك بيصورهالك ولا بتكرهيه بمشاعرك 
نيران بتحاول تقنع نفسها بكرهه بكل حاجه جوايا 
مريم الكره دا شىء عقلى .. شخص ضايقك او بينكو مواقف وحشه او اذاكى نفسيا فعقلك كل شويه بيفكرك فبتحسى بالڠضب والحسره والكره .. انما المشاعر لا .. القلب مفهوش كره .. القلب لا بتحبيه لا مش فارق معاكى مفيش وسط .. القلب مشاعر نقيه لا ينبض بحب حد معين ويبقى ملكه لاما ينساه خالص لو فعلا مقتنعش بيه او لانه جاب اخره واتحب من طرف واحد فملقاش اللى يسقى حبه دا ويكبره فبيموت الحب وبيتحول لشخص ولا كأنك تعرفيه .. الحب والكره وجهان لعمله واحده وهى اللى بتعادل القلب والعقل .. فانتى بتكرهيه فعلا مش هقولك لا .. بس بتكرهى ذكرياته وبتكرهى اللى عمله فيكى بتكرهى جوازك اللى تم فجأه وڠصب بتكرهى تعامله معاكى القديم وقناع البرود والقسۏه بتكرهى عجرفته عليكى وحدته معاكى .. لكن من جهه تانيه قلبك بيعشقه .. وعاوزه .. بيحب روحه وشكله وابتسامته وكلامه الهادى والحنين .. واكبر دليل زعلك على فراقه دلوقتى .. انا مش عارفه ايه اللى حصل زمان او دلوقتى ومش عارفه العلاقه بينكو عامله ازاى .. بس كل اللى اقدر اقولهولك ان الحب والمشاعر ليهم وقتهم وان قلبك ليه حق عليكى زى عقلك بالظبط .. متبقيش عقلانيه اوى ولا تبقى عاطفيه اوى .. وازنى الامور .. متدوسيش على حاجه عشان حاجه .. اعملى المريح والمناسب .. انا هسيبك دلوقتى تفكرى فى كلامى وتشوفى انتى عاوزه ايه 
تقوم مريم وتسيبها وتخرج بره .. نيران كل كلمه مريم قالتها وصفتها بالظبط هى فعلا مش بتكرهه كشخص هى پتكره افعاله معاها .. تفتكر حنيته معاها اليوم اللى كانت بټغرق فيه وتفتكر انه مزعقلهاش على اوضه الجيم رغم انه سبق وزعق لمامته ومكالمته مع ابو بوسى اللى طلقها عشانها وتفتكر عرضه عليها بانها تسافر معاه والفلوس اللى ادهالها ومساعدته ليها ودعمه بانها حتى لو سافرت هتكمل تعليم .. حنيته عليها وقت ضعفها ومساندتها واحتواء ضعفها اللى مبيظهرش غير ليه .. ودلوقتى اقتنعت انها بتحبه ودلوقتى صدقت انها بتحبه لذاته وپتكره افعاله .. وفى اللحظه دى حست ان وجوده ممكن يغنيها عن اى حاجه فى الدنيا بتلقائيه تاخد تلفونها من على التربيزه وبعد تردد دام للحظات اخيرا اتصلت برقمه..شويه ويقولها ان الخط خارج نطاق الخدمه .. تحاول تتصل تانى وبرضو مش مجمع .. تاخد نفس عميق وتسيب تلفونها وتبص لحمام السباحه تانى وهى ڠرقانه فى ذكرياتها 
يعدى اليوم .. تانى يوم الصبح .. نيران تصحى على صوت مريم اللى بتطلعلها هدوم من الدولاب .. تفتح عينها
بتعب وتبصلها وتقول بصوت نايم بتعملى ايه !
مريم وهى ماسكه فستان بقالى ساعه بصحى فيكى وحضرتك ولا هنا .. قومى يلا خلينا نشوف المحل 
نيران تتعدل وهى بتفرك فى عينها بنوم وتبصلها وهى مضيقه عينها 
نيران محل ايه 
مريم المحل اللى هنشتريه يابنتى .. انتى نسيتى المشروع ولا ايه 
نيران وهى بتنزل فى السرير تانى وبتغطى نفسها خليها وقت تانى انا منمتش طول الليل ومرهقه اوى 
مريم تشد الغطا من عليها هو ايه اللى مرهقه .. قوميلى كده احنا هنبدأ دلع من اولها ولا ايه 
نيران يووه .. يامريم تعبانه بجد 
مريم طب نروح ونتفق مع صاحب المحل وارجعى نامى .. المهم ننجز بس 
نيران تتعدل تانى وتاخد الميه اللى على الكوميدينو وتشرب منها شويه وبعدين تسند على السرير وتبصلها 
نيران فين المحل دا 
مريم فى مصر الجديده .. مقدم ٢٠٠ الف والقسط ٣٠٠٠٠ الف فى الشهر لمده سنتين .. يعنى الاجمالى بالتقريب ٨٠٠ الف
نيران غالى اوى.. وبعدين الاقساط دى كتير اوى
.. هنفضل مديونين سنتين !
مريم اولا هو مش غالى بالنسبه لمكانه ومساحته .. وبعدين احنا هنعوض فلوس اضعاف دى ومش هنحس بالدين خالص وبعدين دا الوحيد اللى فى مقدرتنا .. ومتنسيش انى انا اللى هصمم وانتى اللى هتنفذى وهنجيب كام بنت تنفذ الديزاينز .. وانا مخلصه ١٠ اشكال مختلفه لفساتين سهره .. ولما نخلص كذه فستان نعمل الافتتاح والناس وش هتشترى مننا لان اللى عندنا مش هيكون زى اللى بره .. وهنصنع من كل ديزاين كذه قطعه ونعمل لوجو خاص بينا بحيث يكون معروف فيما بعد اسمنا باللوجو دا 
نيران حاسه بانبهار بتفكير مريم وطموحها اللى بتشاركها فيها 
نيران طب والمفروض نجيب كان بنت وهنقبضهم كام .. احنا لسه محتاجين فلوس كتير 
مريم مااحنا مش هنجيب ناس مش معروفه .. فى المشغل بتاع مدام علا كلميها تشوفلنا كام بنت يكون مرتبهم فى حدود ١٥٠٠ او ٢٠٠٠ دا المناسب .. حوالى ٥ بنات كده .. والمكن قولى ب ٣٠ الف الزياده اللى معانا دا غير ال ١٠٠ الف .. باذن الله كله هيتحل وربنا هيكرمنا 
نيران بحماس انا قايمه البس .. اخرجى بسرعه بقى 
مريم تضحك وترميلها فستان على السرير 
مريم البسى دا .. شكله غالى شويه .. عشان يديكى وقار كده 
نيران بضحك هو دا اللى هيدينى وقار يعنى 
مريم بابتسامه اومال .. وكمان عاوزين نبان فاهمين .. وانا هاخد معايا دفتر الشيكات عشان لو اتفقنا نمضى العقود بالمره .. المحل تحفه ومساحته كبيره .. هيعجبك بجد 
نيران واثقه من دا .. يلا روحى بقى وبطلى رغى 
مريم تخرج وتروح تلبس فستان .. وتستنى نيران اللى خلصت بسرعه وخرجتلها .. ياخدوا ناهد معاهم عشان المكان جديد عليهم .. يعدى الوقت .. يوصلوا المحل .. نيران اول ما دخلت تفتح عينها جامد بانبهار .. المحل كانت مساحته كبيره جدا .. وكله مرايات ولونه ابيض .. والباب بتاعه والواجهه مصنوعه من الازاز .. وفى من جنب المحل سلمتين .. بيوصلوا لاوضه .. تطلع مع مريم تلاقى اوضه مساحتها كبيره وفيها مكتبين باللون الابيض والحيطان لونها اسود والباب كمان لونه ابيض وشكلها راقى جدا .. تنزل وتبص لمريم وتبتسم بطريقه مريم ترجمتها بانها عجبها المحل .. يقعدوا مع صاحب المحل اللى رحب بيهم جدا لمجرد انه عرف ان نيران من عيله الشافعى من خلال بطاقتها 
مريم تمام كده .. هنمضى العقود امتى 
صاحب المحل بابتسامه واسعه دلوقتى لو حابين دا شرف ليا ان حد من عيله الشافعى يشترى مني 
نيران تضايق انه عارف عيلتها وممكن كل مخططها يتكشف لو طلع على علاقه بيهم تبص لمريم بقلق ومريم تفهم نظرتها وتبصله بهدوء 
مريم انت تعرف عيله الشافعى !
صاحب المحل لا بس بسمع عنهم ودا شرف كبير ليا ان حد منهم يشترى مني حاجه
مريم ونيران يبتسموا بارتياح ويبصوا لبعض 
ناهد طب ما