جراح الماضي بقلم سولية نصار الفصل الاخير
انت في الصفحة 3 من 3 صفحات
وقولت
ابعد...
بصلي بحيرة فقولت وانا پعيط
انا عندي دور برد شديد ابعد لتتعدي
مټخافيش عليا مناعتي قوية مش فرفور زيك ....
مسکت ايديه جامد وقولت
يعني انت مش هتسيبني ابدا يا علي ...بجد مش هتسيبني ...هترجعني وسامحتني بجد ...
اتنهد وهو بيشدني وحضڼي وقال
كان صعب بعد اللي سمعته منك وشوفته يا تقي ...كان صعب جدا اتقبله بس بعد ما طلقتك وبعدتي كان مسټحيل اعيش مبسوط كان ده اصعب حاجة عملتها في حياتي .. كانت حياتي فاضية فكان قدامي اختار أما انسي الماضي واعيش معاكي أو اسيبك وافضل تعيس طول حياتي وقررت اعيش معاكي ...قررت انسي كل حاجة علشان اعيش معاكي وترجعيلى سعادتى وفرحتى وراحة بالى ...
يعني لو جيت في مرة اتخانقت معاك وزعقت فيك مش هتعايرني بالماضي ...
لا طبعا مش هعمل كده ..بس هكسر راسك ..فيه واحدة محترمة تزعق لجوزها!!
ضحكت وقولت مرة تانية بتردد
وانت لو حابب تتجوز تاني عشان تخلف أنا معنديش مشكلة ...
بس يا هبلة ...اسكتي ونامي شوية وسبيني انام عشان بما تقومي هنروح البيت ....
بعد ساعتين تقريبا ..
خرجت من اوضتي وانا لسه دايخة وعلي كان ماسكني بإيد وماسك شنطتي بالإيد التانية ...وبيقول
يا شيخة بطلي افترا أنا مبشخرش ...
لا والله فضلت تشخر وانا معرفتش انام ...انت في الطبيعي مبتشخرش لكن شكلك منمتش لفترة عشان كده ...
ضحك وقالي
فعلا يظهر أن دي هي الحكاية ...
قالتها امي وهي فرحانة لما شافتني خارجة وبعدين كملت وقالت
وشك اهو استرد لونه ...لو نعرف أن علي هيقدر يخليكي مبسوطة كنا اتصلنا بيه طلع هو الدوا ...
ضحكنا كلنا وحطيت راسي علي كتفه وقولت
واحلي دوا
....
بعد مرور سنتين ...
ومع الانتظام في الأدوية اخيرا حملت وجيبت بيبي ...
كنت ببص وانا مبسوطة علي يونس ابني اللي جالي بعد شوق ...يونس اللي قوي العلاقة بيني وبين علي اكتر ...علي التزم بوعده من وقت رجوعي وهو متكلمش عن الموضوع بتاع وائل تاني وكان بيتعامل معايا كويس واحسن من الاول ...وحاولت اسراء كتير تتواصل معايا بس انا رفضت
كنت مچروحة منها اووي ومعدش عندى ثقه فيها ...يمكن اقدر اسامحها في يوم ويمكن لا ..
بحبك ..بحبك يا أحلي حاجة في حياتي
پاس راسي وقال
وأنا كمان بحبك ياكل حياتى
تمت
سولييه_نصار
