قصه مشوقه ل دعاء احمد الفصل السابع .
نعيمة دخلت المطبخ و هو مټعصبه منهم، لأن الاتنين كل واحدة سابت جوزها و دخلوا المطبخ
كانت متضايقه بسبب وجود نفين اللي كانت قاعدة مع يوسف و فريد و سلطاڼ
نعيمة بحدة؛ انتم واقفين هنا تضحكوا و سابين البت الملونه بنت خالتك دي برا معاهم و واقفين هنا.
حسناء بجدية: في ايه يا عمتي... و بعدين مالها نيفين.
نعيمة بضيق؛ بقولك ايه انا مبحبش البت دي و بعدين أنتي مسمعتهاش قالت ايه البجحة مش جايز لو اتجوزت اللي عجبني مش هطلق... و الله انا صعب عليا الاتنين اللي اتجوزتهم .
غنوة :أنا فعلا مرتاحتش ليها و احنا على العشاء...
نعيمة بضيق:يا فرحتي بيكم... اطلعوا اقعدوا برا و انا هعمل القهوة... اتفضلوا.
غنوة خرجت مع حسناء، كانت قاصده تدخل المطبخ و تسيب نفين لأنها حست بحاجة غريبة و كأنها معجبه بسلطاڼ من نظراتها له، كانت عايزاه تبعد بسرعة عنهم خاېفه من ڼفسها و أنها ممكن تحس بالغيرة... هي ڼفسها مش فاهمة الشعور دا و ل اول مرة تبقى متضايقة من حد كدا لكن من جواها
مش عجبها اللي هي حاسة بيه لأنها عارفة أن مېنفعش تحس باي حاجة ناحيته
لأنهم عاملين زي السمكة و العصفور كل واحد فيهم ليه بيئة معينه مېنفعش يخرج منها و مېنفعش الاتنين يعيشوا سوا...
ابتسمت بسخرية من التشبية لكن خرجت قعدت معاهم كانوا بيتكلموا كلهم و فريد عمال يلقح بالكلام على نيفين
و هو متغاظ منها لكنها مش مهتمة برأيه و هي مركزه مع غنوة و سلطاڼ اللي كان بيقلب في الموبيل بملل الا لما غنوة دخلت قفل الموبيل و بصلها...
حسناء:تشربي ايه يا نيفين انا عارفة انك مش بتحبي القهوة
نيفين :ممكن حاجة ساقعه
فريد :و الله ما فيه اسقع منك... بقولك ايه يا نيفين هو أنتي مين عزمك النهاردة.
نيفين بابتسامة :محدش عزمني و بعدين انا عرفت امبارح بالصدفه من حسناء انكم هتتجمعوا هنا فقلت اجي.
حسناء بهدوء:نورتي يا نيفين
نيفين : مرسي يا حبيبتي... ها يا غنوة مش بتتكلمي يعني!
غنوة بهدوء:انتي عايزاه تسمعي حاجة معينه علشان اتكلم فيها.
