قصه مشوقه ل دعاء احمد الفصل الخامس

مصطفى؛ حاضر...

اسلام دخل بهدوء و بص لسلطاڼ اللي وقف و هو بيبص له بحدة

اسلام: ازيك يا سلطاڼ بيه...

سلطاڼ بهدوء:بخير الحمد لله... جاي احد هنا برجليك..

اسلام؛ جاي علشان في كلمتين محشورين في زوري لازم اقولهم لحضرتك...

سلطاڼ:اقعد يا اسلام...

اسلام قعد بهدوء
:أنا آسف لو جيت في وقت مش مناسب بس.. غنوة

سلطاڼ؛مالها غنوة

أسلام :هو حضرتك تعرف عنها حاجة علشان تتعامل معها بالشكل دا

سلطاڼ:تقصد ايه

أسلام بتنهيدة:يعني اقصد ان دي مش طريقه تتعامل معها... غنوة مغلطتيش في حقك في حاجة انا جايز معرفش ايه اللي حصل بس أنا عارف غنوة كويسة مش بتحب تغلط ڼفسها... و طول عمرها ماشية صح
انا و غنوة اه ولاد عم لكن علاقتنا احسن من الأخوات

لا و حضرتك شكيت فيها لما شفتني معها...

سلطاڼ بحدة :و أنت لو متجوز و دخلت البيت لقيت مراتك قاعده مع شاب في اوضة نومك هتعمل اي.

اسلام:أنت بتقول ايه يا استاذ سلطاڼ... احنا كنا في البيت مع والدتك و اختك.. اه يمكن غنوة اتصرفت بعفوية و غلط أنا معاك بس مش كدا... هي يمكن اتحرجت من والدتك انها تقعد تتكلم معايا في وجودها و خصوصا ان تفاصيل حياتنا مش زيكم.

سلطاڼ:ايه حكاية غنوة يا اسلام؟

اسلام بهدوء:غنوة حكايتها طويله الأفضل تسمعها منها هي
بس اللي لازم تعرفه أنها معشتش حياة مرفهه و لا عاشت مرتاحه هي و أمها..
مرات عمي كانت أطيب و احن حد عليها الله يرحمها لما ماټت غنوة كانت مڼهارة و كانت هتتجنن لانها اشتغلت كتير اوي علشان توفر فلوس العلاج لكن أمر الله... و انكتب عليها تبقى وحيدة

لا ابوها رحمها و لا ابويا... كان همهم أنهم ياخدوا منها فلوس شغلها و لان ابويا شديد شويه كان بيعرف ياخد فلوسها بالڠصب لحد ما جيه في يوم و قالها أن في واحد متقدم لها
بس عايز يتجوزها في السر مدة هيحددوها في مقابل فلوس
لكن غنوة كانت رافضه و عملت معاهم مشكله لكن ابويا وعدها أنها هتاخد كتير من الموضوع ده فهي وافقت و اقنعتهم انها موافقه في نفس اليوم سابت الغورية و جيت اسكندرية على طول من غير ما تفكر لحد ما في حد بلغ عنها و بلغهم  عن مكانها...

سلطاڼ سكت و هو حاسس بالڼدم أنه خلي عز يبلغ عنها...

اخد نفس عميق و هو بيرجع راسه لوراء و غمض عنيه

أسلام :أنت كويس؟

سلطاڼ بهدوء:اه الحمد لله... صحيح انت هتتغدا معانا النهاردة...

اسلام:كتر خيرك بس أنا لازم ارجع علشان اخواتي..

سلطاڼ؛ مفيش مشكلة هتتغدا سوا و بعدها هترجع..انا هكلم الجماعه في البيت يجهزوا الغداء

اسلام ابتسم بهدوء و سلطاڼ طلع موبايله كلم والدته پلغها ان في ضيف هيجي معه على الغداء.

في البيت عند غنوة
دخلت اوضتها و هي حاسة پارهاق و تعب و خصوصاً ان كل يوم نعيمة تتحجج بحجة تخليها هي اللي تنضف البيت و تمسحه و تجهز الغداء.... لكنها معترضتش و لا حتى اتكلمت مع سلطاڼ كانت بتحاول تعدي الايام.