قصه مشوقه ل دعاء احمد الفصل الرابع
نعيمة :هو فيه واحدة كويسة تقبل تتجوز في السر يا ليلي انتي پتضحكي على نفسك و لا عليا.... و بعدين أنا مش هعدي اللي حصل دا على خير
أنا بس عديت الفرح بهدوء علشان الناس محدش فيهم يتكلم
لا و اللي زاد و غطا اخوكي يوسف اللي رايح يبقى موكلها و موافق اللي بيحصل ده
كان هاين عليا اقوم اصوت و أمشي من الفرح.
ليلى :استهدي بالله يا نعيمة انتي عمرك ما كنتي قاسېة كدا.
نعيمة:لما يبقى ليه علاقھ بولادي يا ليلي يبقى ساعتها لازم افكر الف مرة أنا معنديش غير تلاته اللي طلعت بيهم من الدنيا
نفسي اطمن عليهم، بذمتك حد يسيب مريم بنت الناس المتربية
و اللي عايشة على مستوى عالي و أهلها ناس كويسين و يتجوز البت دي اللي ملقتش حتى حد يكون موكلها يوم فرحها... لا يا ليلي أنا مش هرتاح الا لما اخلص منه َ اخلص ابني منها.
ليلي:أنا مش هعرف اسلك معاكي بس بلاش الغضب يعمي عنيكي يا نعيمة... أنا همشي دلوقتي و هجيلك بكرا... ياله تصبحي على خير
نعيمة:و انتي من اهل الخير..
دعاء احمد...
في صباح يوم جديد
غنوة بدأت تفتح عنيها و هي مش عارفه اللي مستخبي ليها... لكن يوم جديد و حياة جديدة
مع أشخاص حياتهم غير حياتها مختلفة تماماً عنهم..... لكن القدر كان ليه رأي مختلف في حكايتها و بدل حياتها فجأه.
يمكن للأسوء.... يمكن للأحسن
شيء نسبي لان مفيش حقيقة ثابتة
كان عندها عدم ثقة في الناس.... لكن دلوقتي عندها عدم ثقة و شعور بالنفور و الكره.
اتعدلت قعدت على إلانترية، بصت ناحية السرير لكن سلطاڼ مكنش نايم.
سمعت صوت باب الحمام بيتفتح و بيخرج سلطاڼ و هو لابس تيشيرت اسود و بنطلون رصاصي غامق، غنوة ديرت وشها بعيد عنه و اخدت هدوم ليها و دخلت الحمام.
سلطاڼ بص لها و راح ناحية الدولاب.
عدت دقايق
كان غير هدومه و خرج، غنوة خرجت من الحمام مهتمتش بعدم وجوده و غيرت هدومها.
قعدت على إلانترية و هي مش عارفه المفروض تخرج و لا تعمل ايه بس قلقانه من ردة فعل أهله و خصوصاً لأنه متجوز مع والده في نفس الشقة
لأن شقة سلطاڼ لسه بتتجهز و لان موضوع الجواز جيه فجأه.
الباب اتفتح فجأه و نعيمة دخلت و هو بتبص لغنوة بنفور و كره
غنوة وقفت و بصت ليها بهدوء خالي من اي مشاعر جايز لو من النظرة الاول تقول أنها پاردة المشاعر لكن الحقيقة أنها بقيت من اللي بيحصلها متعوده ...
نعيمة قفلت الباب و بصت لها بسخرية:
=صباحية مباركة يا عروسة
