قصه حقيقية الجزء السابع
ريم .. اطمني ياماما هو بجد بيعاملني كويس . وبعدين ماانتي بتقولي اهو هو اللي بعتلكو
ريم .. هيا دينا راحت فين
سـحړ .. برا بتتكلم في التليفون
دخلت دينا وهي بتقول .. بتجيبو في سيرتي ليه
ريم .. انتي بتكلمي مين كل ده
دينا .. كنت بكلم وحده صحبتي كانت بتسألني ليه مش بروح الجامعة
وبصت لمامتها پڠېظ
سـحړ .. انتي بتبصيلي كده ليه يابت انتي
وبصت لريم وقالتلها .. ماتقنعيها ياريم تسيبني افضل هنا
عشان الجامعة .انا السنادي هتروح عليا
سـحړ .. انسي انتي مش هتفضلي هنا لوحدك
دينا .. انا مش فاهمه ايه المشكلة . يعني هتخطف وبعدين انا هعرف اخد بالي من نفسي كويس
ريم .. ماتسبيها ياماما
سـحړ .. اسيبها تقعد لوحدها .طيب الاول كانت قاعدة معاكي . دلوقتي خلاص استحالة اسيبها لوحدها
ريم .. دا نصيب ياماما وبعدين قالت .. طيب سبيها عشان السنادي متروحش عليها واناهبقي قريبه منها وهبقي جمبها
سـحړ .. لا ياريم انا مش هغلط غلتطي تاني مش هسيبها تبعد عني ويحصلها حاجة .. وذا كان علي الجامعة خلاص الامتحانات قربت تبقي تنزل علي لامتحانات وبعدين ترجع . ومن السنه الجايه هحولها ورقها من هنا وتقدم في الجامعه هناك
ريم كانت قاعدة مع حازم في الاوضه وبتقولو .. انا متشكره
حازم .. علي ايه
ريم .. يعني عشان خليت ماما تيجي
حازم .. انا عملت كدة عشانك يا ريم عشان مش عايز ازعلك
ريم .. شكرا
حازم .. متشكرنيش دا حقك انك تشوفي مامتك
وباسها علي راسها
حازم .. انا همشي لو عوزتي حاجة كلميني
حازم خرج من الاوضة وقابل سـحړ بره
سـحړ .. صباح النور
حازم كان لسه هيفتح باب الشقه ويخرج بس وقف لما سـحړ قالت .. ممكن اخد ريم معايا شقتنا اللي هنا
حازم بهدوء .. ليه
سـحړ .. يعني علشان اخد بالي منها لحد ماتخف وتبقي كويسة
حازم .. ماتفضلي معاها هنا
سـحړ ..بس
حازم .. اعتبري البيت بيتك
