حبيبي المحامى من الجزء الثاني عشر الى الجزء الاخير

بس من زين اصلك وعينك المليانه ياولدي واحد غيرك كان طمع في المال والخير دا كلو وأصر أن مرتو تاخد حجها في الورث
بس كيف ما جولت جبل سابج اني ارتحتلك اول ما شفتك وعرفت انك راجل صوح واديك ماخيبتش ظني فيك
عماد عندك حج يا جدي الاستاذ مهاب زين الرجال كلياتهم علشان كده انا رايد اناسبو
نظر إليه مهاب متعجبا
شرقت اللقمة في حلق اسيل واخدت تسعل بقوة
ناولتها نوجة كوب الماء وهي ټضرب بخفة على ظهرها و تقول مش كدا يا عمدة البنت حتروح منك ياخويا
ضحك الحج صالح وقال عماد جصدو انو طالب يد اخت حضرتك لجواز يا مهاب ياولدي ايه جولك
مهاب عماد يشرف اي عيلة تناسبو ياحج بس أنا شايف تستنو والدي بكرى وتفتحوه في الموضوع والي فيه الخير يقدمو ربنا
ثم أكمل مازحا اهو نطمن على العروسة الي نفسها اتقطع دي الاول
ضحك الجميع
خجلت اسيل واحمر وجهها وغادرت هاربه الى الغرفة
التى لازمتها طوال النهار مختفية عن اعين الجميع
نوجة وبعدين يا اسيل حتفضلي حابسه نفسك في الأوضة طول اليوم مش ذنبك انك اټخضيت يعني
اسيل اسكتي يا نوجة انا مش قادره أوري وشي لاي حد هنا بعد الي الان حصل
نوجة طب كنت حتعملي ايه لو حصلك زيي دا اخوكي جا قالي انو اتجوزني كدا خبط لزق
وانت يادوب عماد طلب ايدك للجواز
اسيل انت نوجة القوية بس انا بغرق في شبر ميا وانت عارفة كدا كويس
نوجة لا انت بس اللي مستقلية بنفسك يابت انت ذوبت عمدة صقر الصعيد في دقيقتين دا انت مفخرة لكل بنات مصر
اسيل ههههه ضحكتيني هو انت فاكرة إنو خطبني علشان بيحبني أن ماكنتيش سمعاه بودانك بيقول انو عاوز يناسب مهاب
نوجة تصدقي واتمني بالله
اسيل لا اله إلا الله
نوجة انتو عيلة اغبية والله ويا خسارة تربية الاستاذ مجدي فيكم
اسيل اتلمي يانوجة والله لقول لمهاب
نوجة قوليلو دا هو اغبى واحد فيكم اصلا تعبا نفسي وجيا من مصر لصعيد ومتصالحة مع عيلة ابويا الي بقالي عشرين سنة مقطعاهم علشان اتجوزو في الاخر يقولي مش عاوز افرض نفسي عليكي
ولا الثانية الي اسمها امل قعدت عشر سنين تحب في واد من بعيد لبعيد مع أن الحب كان طالع من عنيه
قدامها بس تقول ايه فعرق الغباء بقا
وانت يااختي جايه تقوليلي عاوز يناسب مهاب مهاب ايه الي عاوز ينسبو ان ماكنش فارم الواد الزفت الي اسمو ايمن قدامك اول ما قلت انو عاوز ياخدك ڠصب
ولا عنيه الي مش بنزلها من عليك اول ما يلمحك ولا البعيدة عامية
اسيل يعني هوممكن يكون معجب بيا
نوجة مش بقولك غبية يابنتي الواد طلب ايدك للجواز تقوليلي معجب
ثم اردفت وهي تخرج من الغرفة انا ماشية لا يطقلي عرق منك
يا سنينك السودة يانوجة ولي مستنيكي مع العيلة دي
اسيل طب تعالي اقولك حاجه تعالي بس
نوجةترجع قولي خلصيني
اسيل انا عاوزة أتكلم معاه الاول
نوجة ومالو حقك بردو ما فيش وحدة تتجوز عمياني كدا غيري
خلاص انا حضبطك فيدي
اسيل تضبطيني في ايه مش لازم يعرف اني انا لي عاوزة اكلمو عاوزه هو الي يطلب كدا من نفسو
نوجة وتقوليلي اڠرق في شبر ميا دا انت ټغرقي بلد
خلاص دي كمان عدني عدي الجمايل
اسيل حبيبتي يانوجة
بعد قليل نوجة مع عماد
عماد يعني هي رفضت
نوجة انا ماقلتش كدا انا قلت انها محتارة شوية بس
عماد وعتحتار ليه اني رايدها فالحلال وعطلب يدها من خيها
نوجة اهي هي و بقا عايزه تعرف عاوز تتجاوزها ليه
عماد ايه الي عاوز اجوزها ليه هي الناس عتتجوز ليه
نوجة لا يا اخويا ابوس ايدك هي مش ناقصة غباء كفاية الي شفتو من عيلة جوزي مش عاوزة العدوة تنتقل لعلتنا
اشمعنا هي بذات الي عاوز تتجوزها
عماد صدجني لو جولتلك مش عارف اني من اول ما شفتها في الشجة عنديك وهي ساكنة خاطري
ولكل ما المحها ببجا مش جادر انزل عيني من عليها
مش جادر ارمش حتى عشان ماتفوتش لحظة مش شايفها فيها
نوجة يا عيني يا خويا دا طلعت واقع لشوشتك
عماد عتتربجي عليا يابت
نوجة لا والله طب انا عوزاك تقول الكلام دا ليها
عماد لاع طبعا
نوجة لاع طبعا ليه ماهي لازم تعرف علشان توافق على الجواز
عماد لع توافج الاول وبعدين تعرف
نوجة لا اسمع مني يا اخويا العيلة دي الغباء منتشر عندهم شويا مش بيفهمو غير بالملعقة يعنى انت لازم
تجيبهالها على بلاطة لا يجي اليوم اللي يتقالك فيه مش حفرض نفسي
عماد ههههه باين عليكي مجربه ياخيتي
نوجة كثير اوي
عماد طب عكلمها ازاي دي
نوجة عادي انتو من حقكو تقعدو تتكلمو. مع بعض قبل اي حاجة
انا حقول لمهاب وبعدين حقولها انك عاوز تتكلم معاها
تمام يا خويا
عماد تمام ياجلب اخوكي
نوجة جلب ايه ماخلاص خدتو اسولة
عماد هههههه طب جوليلها اني عستناها في الجنينة
نوجة من عنيا
كانت تصعد الدرج الى غرفة اسيل حين لمحت مهاب في الشرفة فدهبت إليه
نوجة احم احم الي واخد عقلك
مهاب الصراحة انو واخد الاثنين عقلي وقلبي
نوجة